डा. गिरीले अवहेलना नगरेको ठहर

राजा ज्ञानेन्द्रको प्रत्यक्ष शासनकालमा मंत्रीपरिषदको उपाध्यक्ष पदमा रहेका डा. तुलसी गिरी विरुद्ध अदालतको अवहेलनामा कारवाहीको माग गदै दर्ता गरिएको मुद्दा सर्वोच्च अदालतले यही पुस १९ गते खारेज गरेको छ । माननीय न्यायाधीश अनुपराज शर्मा र तपबहादुर मगरको संयुक्त इजलासले मुद्दामा माग गरिए बमोजिम अबहेलनामा कारवाही गर्नु पर्ने नदेखिएको भन्दै मुद्दा खारेज गरेको हो । गिरीले संबिधानको अपव्याख्या र अदालतको अवहेलना गरेकोले कारवाहीको माग गदै नेपाल बार एशोसिएसनले २०६२ असोज ५ मा मुद्दा दर्ता गरेको थियो । नेपाल वारका तर्फबाट तत्कालिन महासचिव माधव वास्कोटा निवेदक भै यो मुद्दा दायर भएको थियो । गिरीले २०६३ साल असोज ३ गते बिराटनगरमा आयोजित पुर्वान्चलस्तरीय सरकारी आमसभामा "अदालत पनि दलको पक्षमा लागेको” र "दलको हावाले न्यायाधीशलाई छोएको” जस्ता आरोप लगाएका थिए ।