न्यायाधीशहरुको सुनवाई हुने भयो

पुस १२ गते न्याय परिषद वैठकले सर्वोच्च अदालतमा रिक्त रहेको दईवटा स्थायी न्यायाधिशको पदमा नियुक्ती गर्न उपयक्त ठहरर्‍याई संसदीय समितिमा सिफरीस गरिएका ताहिर अन्सारी र राजेन्द्र कोईरालालाई सो संसदीय सुनवाई विशेष समितिले उहाहरुको सुनवाईका गर्नका लागी यहि पुस २३ गते दिउसो ३ वजे वोलाएकॊ छ । यसै बिच यी प्रस्तावित न्यायाधिशहरुको सम्बन्धमा सर्वसाधारण नागरीकहरु के कस्तो धारणा छ सो बुझ्ने उद्देश्यले सो समितिले प्रस्तावित न्यायाधिशहरुको सम्बन्धमा कुनै गुनासो वा उजुरी भए पुस १४ देखी १८ गतेसम्मको समय भित्र समितिमा पठाई दिन होला भनी सार्वजनिक सुचना जारी गरेको थियो । १९ गतेका दिन बसेको बिशेष समितिको बैठकमा दिईएको जानकारी अनुसार सो अवधिमा प्रस्तावित न्यायाधिश कोईराला बिरुद्ध एउटा मात्र उजुरी परेको छ भने अन्सारी बिरुद्ध कुनै उजुरी परेको छैन । २०६२ फागन ८ गतेका दिन एउटा जग्गा सम्बन्धी मुद्दामा श्री कोईरालाले घुस खाई नजिर उल्लघन गरेको भनी काठमाण्डौ महानगर पालिका वडा नं. १० का रमेश पौडेलले आरोप लगाएका छन । आमोद प्रसाद उपाध्यायको सभापतित्वमा वसेको सो वैठकमा सांमसदहरुले मद्दाको हारजीत हेर्ने नभई न्यायधिशको दक्षता , निष्पक्षता स्वच्छता हेर्ने वताउनु भएको बुझिएको छ । संसद राजनैतिक गर्नेहरुको थलो भएको हुदाँ यसले न्यायपालिका र न्यायाधिशको बिषयमा सनुवाई गर्न मिल्दैन भन्ने संबिधानबिद्हरुको धारणा अझै कायमै छ । संविधानले स्वीकार गरी सके पछि जो सुकैले यसलाई पालना गर्नै पर्ने हुन्छ । तथापि यस्ता सुनवाईको नाममा न्यायाधिशहरुलाई मनौवैज्ञानिक त्रास उत्पन्न गर्ने र स्वतन्त्र न्यायपालिकाको धारणालाई समाप्त गर्ने काम भने हुनु हदैन भन्ने न्यायीक क्षेत्रको अडान रहेको छ ।